थाहा दैनिक .२० चैत २०८२, शुक्रबार
थाहा नगरपालिका क्षेत्रमा पहिलोपटक नगरस्तरीय क्रिकेट प्रतियोगिता आयोजना हुने भएको छ। हिमाली डाफे युवा क्लब, थाहा–१० को आयोजनामा हुने यो प्रतियोगिता यही चैत्र २५ गतेदेखि २०८३ साल वैशाख १ गतेसम्म सञ्चालन गरिनेछ। प्रतियोगितामा सहभागी हुन इच्छुक क्लब तथा खेलाडीहरूलाई समयमै टिम दर्ता गर्न आयोजकले अनुरोध गरेको छ। सहभागी हुन थाहा नगरपालिकाको स्थायी बासिन्दा हुनुपर्ने अनिवार्य व्यवस्था गरिएको छ भने टिम दर्ता शुल्क ७,५०० रुपैयाँ तोकिएको छ। प्रत्येक टिममा १२ देखि १६ जना खेलाडी अनिवार्य हुनेछन्। खेल International Cricket Council (ICC) को नियमअनुसार सञ्चालन गरिनेछ, जहाँ प्रत्येक जितमा टिमले २ अंक प्राप्त गर्नेछ। सहभागी टिमको संख्या अनुसार प्रतियोगिताको ढाँचा तय गरिनेछ। प्रतियोगिताका विजेताले नगद ३१ हजार रुपैयाँसहित शिल्ड, मेडल र प्रमाणपत्र प्राप्त गर्नेछन् भने उपविजेताले १५ हजार रुपैयाँसहित शिल्ड, मेडल र प्रमाणपत्र हात पार्नेछन्। साथै ‘Player of the Tournament’, उत्कृष्ट ब्याट्सम्यान र उत्कृष्ट बलरलाई विशेष पुरस्कारको व्यवस्था गरिएको छ। थप जानकारी तथा दर्ताका लागि निरन थापा (९८०१०७१५८०), अमर बस्नेत (९८१६२५६८९२), गोविन्द थापा (९८१८६३१०२९) र दिनेश थापा (९८६१२२५८४२) मा सम्पर्क गर्न सकिने आयोजकले जनाएको छ। स्थानीय स्तरमा क्रिकेटको विकास र प्रतिभा उजागर गर्ने लक्ष्यसहित आयोजना हुन लागेको यो प्रतियोगिताले थाहाका युवामा नयाँ ऊर्जा थप्ने अपेक्षा गरिएको छ।
